السلام عليكم .. فريق حياة

السلام عليكم و رحمة الله

أنا أحد أعضاء فريق حياة ((شباب من أجل النيل ))

أحببت المشاركة في منتداكم

و أن أنشر فكرتنا هنا .. حتى نستطيع جميعاً المحافظة على مياه النيل من التلوث الذي يحيط بها من كل مكان و نكون مصريين بجد و نخلي بلدنا أحسن بلد بإذن الله
و من باب الإصلاح في الأرض ..


نتمنى منكم مساعدتنا في نشر الفكرة حتى نستطيع جميعاً أن نتعاون و نتكاتف في المحافظة على تلك المياه .. و نخلص جميعاً النية لله تعالى

نتمنى من حضراتكم قراءة هذا الموضوع عنا:

نهر النيل مصدر الحياة ..
نهر الحب والخير والرخاء ..
شريانٌ يجرى في دماء المصريين.. يستغيث من وأد نقائه وطهارته..
ينادى أبناءه.. ساعدونى طهروا مائى من النفايات.. املؤوا شطآني بالأشجار..
لا تلقوا بالملوثات داخل مياهى.. فهل من مجيب؟؟؟؟!!

نعم هنــــــــاك من يجيب

نحن فريق حيــــــــــــــــــــــــــــــــــــــــــــــــاة

ليه إسمكم حيــــــــــــــــــاة؟
لأن حياتنا في النيل و "وجعلنا من الماء كل شيء حي"

مين هو فريق حيـــــــــــــاة؟
هو فريق من أكاديمية إعداد و تطوير الذات مع الدكتورة هدي طاهر خبيرة التنمية البشرية

ايه هو هدفكــــــــــــــــــم؟
احنا شباب من اجل النيل
هدفنــــــا حماية النيل من جميع انواع التلوث وتنقية المحافظات واحدةً تلو الآخرى من أي تلوث فيها
( مخلفات بشرية او حيوانيه او انتاجيه - الحفاظ عليه من التلوث البييئى )

ايه هي امكانياتكــــــــــم؟
احنا عندنا إرادة و حب للعمل التطوعي والجماعي وعايزين نعمل حاجه لبلدنا مصر وكمـــان
استطعنـــا الإتفـــاق مع العديد من الجمعيــات داخل مصر و وافقوا على مساعدتنــا وتمويل مشروعنــا

طيب ليه اخترتم مشروع النيل مخصوص؟
عشان النيل هو هبة مصر وهو سر الحياه فيها ولازم نحافظ عليه

انتوا متوقعين انكم تنجحـــــــــــــــــوا؟
عندنا ثقه في ربنا سبحانه وتعالي وفي إرادتنا وعزيمتنا بإذن الله

انتو انجزتم حاجه دلوقتي من عمل الفريق؟
ايوه احنا شغالين في محافظة سوهاج بداية المحافظات في فريق حياة بإذن الله وهنكمل مع باقي المحافظات تدريجيا وربنا يقوينا

ايه المطلوب عشان تقدروا تستمروا؟

احنا محتاجين مساعدات يعني لازم نكون ايد واحده الجهات المسئوله(الحكومه+ المصانع+ الجمعيات الخيرية + الجمعيات الأهلية)تساعدنا في النشر ومش بس كده تساعدنا في المحافظة علي النيل بإمدادنا بأدوات ومعدات مالية أو حتي معنوية لإكمال المرحلة الثانية من المشروع

طيب إحنــــــا نقدر نساعدكم إزاى ؟
تقدروا تساعدونـــا بإنكم تصوروا لينـــا أكثر الآمـــاكن الملوثة من ميــاه نهر النيل فى محــافظاتكم , أو إنكم تدلونــا على جمعيـــات تقدر تســـاعدنـــا سواء كـــان بالتمويل أو الدعــاية أو بمســاعدتنــا فى إزالة مصــادر التلوث .بالإضــافة إلى دور كل واحد فيكم داخل محــافظته من نشر التوعيه بخطر التلوث بين المواطنيين وأيضــا عدم إلقــاء أى نفــايـــات أو قذورات
بداخل الترع أو القنوات أو حتى البحيرات الصغيره وأيضــا عدم السمــاح لأى شخص بإلقــاء النفايات فى ميــاه نهر النيل

إزاى نقدر نتواصل معـــــــــــــــــاكم ؟؟
من خلال جروبنـــــــا على الفيس بوك:

https://www.facebook.com/group.php?gid=145211925489680